Kalendarju

ĠUNJU

Żergħa
(Fil-Ħamrija)
Artiċoks, Brokkli, Bżar Aħmar, Eruka, Fażola Ħadra, Fjuri, Ġdur, Ħass, Kurrat, Kaboċċi Ħamra,Kaboċċa, Pastard, Ravanell, Spinaċi, Patata Ħelwa,Kaboċċ taz-zokk, Qargħa-aħmar

Bexx
(Uża metodi li jħarsu s-saħħa)
Kull tip ta’ Qara’, Dwieli, Tadam, Ħjar bil-kubrit tal-ilma (jew żineb), jew tgħabbru
Fungiċida, Insettiċida.
Kontra d-dubbiena tal-frott fuq il-Ħawħ, Lanġas , Bambinella, Bajtar, Tin u siġar tal-frott irqieq.
Is-susa tal-patata.

Ġbir
Bajtar ta San Ġwann, Nuċiprisk, Ħawħ, Patata, Basal, Tut, Dulliegħ, Bambinella, Spinaċi, Ġdur, Kaboċċa, Kaboċċi Ħamra, Kaboċċi taz-Zokk, Ħass, Ħjar, Karrotti, Pitravi, Qarabali, Rucola, Tadam, Tursin, Fażola Twila, Ċiċri, Brunġiel, Kappar, Kaboċċ taz-zokk, Kurrat, Ċawsli

Ħaxix

Ħu ħsieb li ddur is-siġar sewwa mill-ħaxix ta’ maz-zkuk. Jekk ikollok xi ħaxix niexef żommu biex tatti fejn issaqqi. Neħħi ix-xtieli li bdew imutu. Ħu ħsieb li tneħħi kull tip ta’ ħaxix ħazin. Importanti li jitneħħa mill-għeruq għax dan kollu jieħu s-sustanzi tal-prodotti tajbin li jkollna jikbru.

Ħamrija

Tiħadem kemm tista jew tinħarat u ħalli l-wiċċ miftuħ. Tista ddemmel qabel il-ħrit.

Saqwi
Imqar darba fil-ġimgħa, jekk jista jkun ngħattu bit-tiben l-għeruq ħalli ma jevaporax bis-sħana. Saqwi għandu jsir qabel inżul ix-xemx. Tisqija tas-siġar darba fix-xahar.

Taħwil
Tadam, Qara’, Dulliegħ, Griżantemi, Pastard, Ġdur, Kaboċċa, Kaboċċi Ħamra, Kaboċċ taz-zokk, Bżar Aħdar, Qargħa-aħmar

Tilqim
Iris

Għażel l-isbaħ xitel li trid tieħu zerriegħa minnhom u mmarkahom. Dan jgħodd ukoll għall-bamja, bżar, brunġiel, ħjar , qara, tadam

(Bil-ghajn/Qoxra)
Kaki

Żabra

Ward mill-fjuri